சென்னை நகரில் இன்று நடைபெற்ற நிகழ்ச்சியில், திண்டுக்கல் முன்னாள் மேயர் மருதராஜ் அவர்களின் இரண்டாவது மகன் வீரமார்பன் தலைமையில் 10-க்கும் மேற்பட்ட அதிமுக நிர்வாகிகள் மற்றும் தொண்டர்கள் தமிழக வெற்றி கழகம் (த.வெ.க.) கட்சியில் இணைந்தனர்.இந்த இணைப்பு நிகழ்ச்சி கட்சியின் முக்கிய நிர்வாகிகள் முன்னிலையில் நடைபெற்றதாக தகவல்கள் தெரிவிக்கின்றன. திண்டுக்கல் மாவட்டத்தைச் சேர்ந்த பல்வேறு நிலை அதிமுக நிர்வாகிகள் மற்றும் இளைஞர்கள் ஒன்றுகூடி தங்களது ஆதரவை த.வெ.க. கட்சிக்கு தெரிவித்தனர்.அரசியல் வட்டாரங்களில் முக்கிய கவனத்தை ஈர்த்துள்ள இந்த இணைப்பு, திண்டுக்கல் பகுதியில் த.வெ.க. கட்சியின் வளர்ச்சிக்கு புதிய பலம் சேர்க்கும் என அரசியல் பார்வையாளர்கள் கருத்து தெரிவித்து வருகின்றனர். குறிப்பாக இளைஞர்கள் மற்றும் புதிய தலைமுறை அரசியலில் மாற்றத்தை எதிர்பார்த்து த.வெ.க-வுக்கு ஆதரவு தெரிவித்து வருவது குறிப்பிடத்தக்கதாக பார்க்கப்படுகிறது.நிகழ்ச்சியில் பேசிய கட்சி நிர்வாகிகள், “தமிழக அரசியலில் புதிய மாற்றத்தை உருவாக்கும் நோக்கில் பல்வேறு தரப்பினரும் த.வெ.க-வில் இணைந்து வருகின்றனர். வரவிருக்கும் காலங்களில் மாவட்ட அளவில் கட்சியின் அமைப்பு மேலும் வலுப்பெறும்” என தெரிவித்தனர்.மேலும், வீரமார்பன் தலைமையில் இணைந்த நிர்வாகிகள், மக்கள் நலன் மற்றும் இளைஞர் முன்னேற்றத்தை மையமாக கொண்டு செயல்படும் அரசியல் பயணத்திற்காக தாங்கள் த.வெ.க-வை தேர்வு செய்துள்ளதாக கூறியதாக தகவல்கள் வெளியாகியுள்ளது.இந்த நிகழ்வு திண்டுக்கல் மாவட்ட அரசியல் வட்டாரங்களில் பரபரப்பை ஏற்படுத்தியுள்ளதுடன், எதிர்காலத்தில் மேலும் பல நிர்வாகிகள் கட்சி மாற வாய்ப்பு இருப்பதாகவும் அரசியல் வட்டாரங்களில் பேசப்படுகிறது.
ஆசிரியர்.
ராஜீவ் காந்தி